Naskah Imbauan Kampuang

IMBAUAN KAMPUANG

Karya                                        : Eki yudasril

                         Para pelaku:

                Mandeh

                Bujang Salamaik

                Nilam Sari (Kekasih Bujang salamaik)

                Intan Suri (adiak Bujang Salamaik )

                Buyuang Tanduk               (pemuda kampong)

                Dan dua orang bule

                Etek kadai

Disebuah rumah kecil di ruangan tamu tampak sesosok lelaki yang berdiri tegap yang barkainginan untuk pamit kepada mandenya untuk pergi merantau ketanah Jawa

Mande            : Yuang, ondeh buyuang anak denai Bujang Salamaik, iyolah buyuang pikiah kan bana alah di inuak manuangkan kareh hati nak pai marantau.

Bujang Salamaik      : Ampunkan denai mande kanduang ampun baribu kali ampun,     bukannyo niat denai nak maningaan mandeh, tapi dek nasib jo parasaian hiduik mambuek ambo nak baniak pai marantau.

Mandeh         : Ondeh nak kanduang badan mandeh, kok baitu kato buyuang dangakan malah pituah mande ‘’ kok jadi buyuang ka karatau babelok padi tapi banda kok jadi buyuang ka tanah rantau apo ka dayo mande tingga’’ ciek lai pituah mande nak’’ kacang pinggek di tapi aia la mati mangko babuah ingek-ingek buyuang balayiah lawiak sati rantau batuah.’’

Bujang Salamaik      : Onde mandeh jan di pabimbang juo hati denai ko, kok lai mujua tibo di ambo mande, tabangkiak juo batang tarandam untuk mambangun kampuang kito ammbangun solok selatan

Mandeh         : Apo sabab jo karano mangko nagari buyuang tinggaan nyampang kok singkek umua mande, buyuang pulang di hari isuk nan batapati tanah sirah nak, ciek lai pasan mande tolong jago rumah gadang nan ado di nagari kito nak nagari saribu rumah gadang, jan sampai lapuak di giriang kumbang jan sampai roboh dek urang lalu hanyo itu paninggalan niniak kito.

Buyuang Salamaik   :Ambo ka rantau urang bukan bagadang hati dek takadia jo untuang kito nan malang mandeh untuang kok lai barubah nasib hiduik kito mangkonyo dicubo bakureh karantau urang

Mandeh         :Jikok baitu kato buyuang kok ditara indak tatarah di tabe malah kironyo, di tagah indak tatagah di lape juo malah kiro nyo, mande indak bisa mambarian waang piti sakupang nan ka untuk balanjo do nak tapi jo doa mande bekali

Bujang Salamaik                                 : iyo mandeh, doa mandeh sarato keluarga nan ambo harok an buliah nak tanang manjadi betah dirantau urang

Mandeh         :kok pandai bakain panjang labiah bak dari kain saruang, kok pandai bainduak samang labiah bak dari induak kanduang

Intan Sari       : uda.. indak ibo uda maninggaan ambo jo mande di rumah, awak baduo badunsanak uda, kok pai uda katanah rantau ka sia tampek mangadu uda.

Bujang Salamaik      : Adiak kanduang Intan Sari usah lah adiak baibo hati kini danga kan malah dek adiak mamintak sajo ka nan satu antah kok lai  mujuah tibo di uda, kini uda titipkan mandeh sapanuh nyo bakeh adiak.

Intan Sari       :jikok baitu kato uda pitaruh nan alah uda lakek indak bisa ambo mailak lai  (sambil menanggis)

Buyuang Salamaik   :jikok itu kato adiak sanang dalam hati sajuk didalam kiro-kiro, mamde, Intan sari ambo barangkek hanyo lai

BABAK 2

Didalam perjalanan menuju kapal yang mengangkut penumpang dari Sumatra ke tanah Jawa, tiba-tiba seorang wanita cantik( kekasih nya) melepas kepergian Bujang Salamaik

Nilam Sari     :Onde uda kanduang bujang salamaik, ambo mandanga kaba uda kapai marantau ka tanah subarang, ambo nan ka tingga surang ndak ado tampek untuk bagurau.

Buyuang Salamaik   : Onde adiak sayang nilam sari uda pai ka rantau subarang bukan nya bagadang hati diak tapi manyambuang hiduik nan tabangkalai, untung-untung tajajak juo dek uda tanah tapi,

Nilam Sari     :Tapi nan nilam takuikan uda, nyampang kok  rintang kabau dek tanduk nyo takuik kok ado bungo lain yon an mandayo, mungkin uda alah lupo jo diri ambo iyo suliak da baayam putiah indak sikuak alang manyembah.

Bujang Salamaik      :usalah adiak bakato sarupo itu walaupun banyak bungo nan maagah tapi Nilam surang nan di hati uda.

Nilam Sari     :Jikok baitu kato uda sanang di dalam hati sajuak di dalam kiro-kiro, kok lai sempat uda kirim juo lah sapucuk surek ka  ambo untuk paubek hati nan rindu (menangis kecil)

Buyuang Salamaik   :Jikok baitu malah dek adiak iko tando nan uda tinggaan, iko sapu tanggan ka ganti diri ambo. Taratak gunuang pasiban, kurinci babaju-baju kok taragak usah bapasan dalam mimpi kito batamu (memberikan selendang kepada Nilam sari, dan ia pun pergi meninggalkan kampung halaman nya)

BABAK 3

Disebuah lapau minuman dan gorengan

Buyuang Tanduk:                               Tek, Tek ooo tek!

Etek Kadai          :Ondeh yuang takajuik etek aa, untuang etek indak sadang         mangoriang cubo kalau iyo pasti etek alah tagoriang lho tu, ado apo tu bantuk bunyi urang nan dak elok sa waang ma.

Buyuang Tanduk:                               Mintak kopi sagale tek, lansuang jo pangocok nyo tek

Etek Kadai                                                    :           Yang ka patang se alun babayia lai, la mintak lho lik

Buyuang Tanduk     :onde tek, tanang se la kalau ado rasaki den bayia sado nyo, jo etek-etek bagai beko den bayiah

Etek Kadai    :                                      ee…e…e… talompek bana muncuang waang ko ma, ka minum waang atau indak, aden lo nan waang ago, belum tau kamu siapa saya ini, mamacit anduang saya disini dulu tu. Tau kamu????

Buyuang tanduk                                 :        Tahan emosi tek, wak bagarah se nyo tek, tek, tek

Etek Kadai                                           :        Ndak bisa, ambo ko tekanan darah randah !!!

Buyuang Tanduk     :                          mangko nyo kalau lalok tu pakai kalambu bia ndak abi darah etek dek nyamuk.

Etek Kadai                                           :        yo la…, ko kopi nyo jo goring

Buyuang Tanduk     :                          ondeh mande lamak nyo lai kopi etek ko, apo lai kawan nyo jo goriang nan angek-ngek pulo tamba sero

Etek Kadai                                           :        he..he… waang lai iyo bana tu? ciyus

Buyuang Tanduk                                :        iyo tek, mie apa?

Etek Kadai                                           :        hehehe… jadi na kama Buyuang Salamaik tu paii marantau   tu yuang?

Buyuang Tanduk     :                          kecek nyo ka tanah jawa tek, ibo bana hati ambo ko tek tingga ambo se surang di rantau lai

Etek Kadai    :                                      o..o. baitu muda-mudahan sukses juo la nyo handak nyo ndak yuang

Buyuang Tanduk                                : amin… hiks..hiks. ..hiks

Etek Kadai                                           :        apui la salemo tu dulu jajok den calik

Buyuang Salamaik   : permisi dulu tek ambo pulang banyak nan ka di kakok a.(pergi meninggalkan etek kadai)

Dalam perjalanan pulang kerumah Buyuang Tanduk bertemu dengan seorang bule yang binggung menanyakan alamat

Bule                                                       :hollo mr. can you help me?

Buyuang Tanduk                                : apo la bahaso pajo ko ( binggung), kama mister ko?

Bule                                                                : what , can you speak Indonesia, apakah anda bisa berbahasa Indonesia?

Buyuang Tanduk     :  jadi na saya coba sedikit dulu a, dari mana hendak kemana mister bule ini

Bule                            :                          Saya sedang mencari alamat rumah gadang or big house    yang berada di Abai sangir ini

Buyuang Tanduk     : o..o..o. dekat rumah saya itu mister, mari saya antar mister kesana.

Setelah beberapa tahun Bujang Salamaik pergi merantau akhirnya ia pun kembali pulang dari tanah Jawa ke kampong halaman nya, tenyata kampong yang ia tinggalkan dulu telah banyak mengalami perubahan yang sangat pesat.

 Babak 4

Bujang Salamaik      : asssalam mualaikum Mande…mande. Oh ..mande ko ambo alah pulang dari rantau mandeh

Intan Sari       :waalaikum sallam, ondeh uda alah pulang uda kiro nyo dari tanah jawa( sambil bersedih)

Bujang Salamaik      : ondeh adiak kanduang intan sari alah gadang adiak kironyo, dimano mande kito intan sari kok dari tadi indak tampak?

Intan Sari       : ondeh uda kanduang Bujang Salamaik dangakan malah nan dek uda samanjak uda bajalan mande nan indak elok lai panyakiak nyo makin hari makin batambah parah sampai nyao di japuik ilahi

Bujang Salamaik      : apo mande alah tiado,….akan ambo jalankan amanah mande mambangun kampuang kito iko.

Bujang Salamaik pun pergi melihat makam mandeh nya.